Transmeton Ebu Hurejre se i Dërguari i Allahut (s.a.v.s.) ka thënë: "Xheneti dhe Xhehenemi u debatuan mes vete. Xhehenemi tha: 'Tek unë do të hyjnë tiranët dhe mendjemëdhenjtë.' Ndërsa Xheneti tha: 'Tek unë do të hyjnë të dobëtit dhe të varfërit.' Atëherë Allahu i Madhëruar i tha (Xhehenemit): 'Ti je ndëshkimi Im, përmes të cilit Unë ndëshkoj kë të dua.' Ndërsa (Xhenetit) i tha: 'Ti je mëshira Ime, përmes së cilës Unë mëshiroj kë të dua. Dhe secili prej jush do të mbushet plot.'"