Transmeton Enes bin Maliku: I Dërguari i Allahut (s.a.v.s.) i la të vrarët e Bedrit për tri ditë, pastaj erdhi te ata, u qëndroi sipër dhe i thirri: "O Ebu Xhehl bin Hisham! O Umeje bin Halef! O Utbe bin Rabia! O Shejbe bin Rabia! A nuk e gjetët të vërtetë atë që ju premtoi Zoti juaj? Sa më përket mua, unë e gjeta të vërtetë atë që më premtoi Zoti im." Omeri i dëgjoi fjalët e Pejgamberit (s.a.v.s.) dhe tha: "O i Dërguari i Allahut, si mund të dëgjojnë ata dhe si mund të përgjigjen kur trupat e tyre janë dekompozuar?" Ai (s.a.v.s.) tha: "Pasha Atë, në dorën e të Cilit është shpirti im, ju nuk i dëgjoni fjalët që po u them më mirë sesa ata, por ata nuk kanë mundësi të kthejnë përgjigje." Pastaj ai urdhëroi për ta, kështu që i tërhoqën zvarrë dhe i hodhën në pusin e Bedrit.