Transmeton Hudhejfe bin el-Jeman: Pasha Allahun, unë jam njeriu që ka njohuritë më të mëdha ndër njerëzit për çdo fitne (trazirë) që do të ndodhë nga koha ime e deri në Ditën e Kiametit. Kjo nuk do të thotë se i Dërguari i Allahut (s.a.v.s.) më ka treguar diçka fshehurazi që nuk ua ka treguar të tjerëve, por unë isha i pranishëm në një kuvend ku i Dërguari i Allahut (s.a.v.s.) po përshkruante fitnet. Ai i numëroi ato duke thënë: "Prej tyre janë tri që pothuajse nuk lënë asgjë pa prekur, dhe prej tyre ka fitne si erërat e verës; disa prej tyre janë të vogla e disa të mëdha." Hudhejfe tha: "Të gjithë ata njerëz që ishin në atë grup kanë ndërruar jetë, përveç meje."