Transmeton Musteurid el-Kureshij: E kam dëgjuar të Dërguarin e Allahut (s.a.v.s.) duke thënë: "Kiameti do të ndodhë kur Romakët do të jenë shumica e njerëzve." Kjo i arriti Amr ibn el-Asit, i cili i tha: "Cilat janë këto hadithe që po tregohen prej teje e që thua se i ke dëgjuar nga i Dërguari i Allahut (s.a.v.s.)?" Musteuridi i tha: "Kam thënë atë që kam dëgjuar nga i Dërguari i Allahut (s.a.v.s.)." Atëherë Amri tha: "Nëse është ashtu siç thua, ata vërtet janë njerëzit më gjakftohtë gjatë sprovave, njerëzit që e marrin veten më shpejt pas fatkeqësive dhe njerëzit më të mirë ndaj të varfërve dhe të dobëtve të tyre."