Transmeton Amr bin Taglibi: Pejgamberit (s.a.v.s.) i erdhi një pasuri, kështu që ai u dha disave dhe i privoi të tjerët. Atij i arriti lajmi se ata që nuk morën ishin të pakënaqur, prandaj Pejgamberi (s.a.v.s.) tha: "Vërtet, unë i jap një njeriu dhe e lë një tjetër, por ai të cilin e lë është më i dashur për mua se ai të cilit i jap. U jap disave për shkak të padurimit dhe shqetësimit që kanë në zemrat e tyre, ndërsa i lë të tjerët duke u mbështetur në atë që Allahu ka vendosur në zemrat e tyre prej pasurisë shpirtërore dhe mirësisë, e një prej tyre është edhe Amr bin Taglibi." Amr bin Taglibi tha: "Fjala që i Dërguari i Allahut (s.a.v.s.) tha për mua është më e dashur sesa të kisha në pronësi devetë më të shtrenjta (të kuqe)."