Na ka informuar Maliku, na ka treguar Sumej, nga Ebu Salihu, nga Ebu Hurejre, se i Dërguari i Allahut (s.a.v.s.) ka thënë: "Teksa një burrë ishte duke ecur, gjeti një degë me gjemba në rrugë dhe e largoi atë; Allahu e falënderoi atë dhe e fali." Dhe ka thënë: "Dëshmorët janë pesë: ai që vdes nga sëmundja e barkut është dëshmor, ai që vdes nga murtaja është dëshmor, ai që mbytet në ujë, ai që vdes nën rrënoja dhe dëshmori në rrugën e Allahut." Dhe ka thënë: "Sikur njerëzit ta dinin se çfarë (shpërblimi) ka në thirrjen për namaz dhe në rreshtin e parë, e pastaj të mos gjenin rrugë tjetër përveç hedhjes së shortit, do të hidhnin short për të. Sikur ta dinin se çfarë ka në shkuarjen herët në namaz, do të garonin për të. Dhe sikur ta dinin se çfarë ka në namazin e jacisë dhe të sabahut, do të vinin në to qoftë edhe duke u zvarritur."