Koment: Ka thënë Muhamedi: Ne bazohemi në këtë. Këto janë pikat e caktuara (mikatet) të cilat i ka përcaktuar i Dërguari i Allahut (s.a.v.s.), prandaj nuk i takon askujt që dëshiron haxhin t'i kalojë ato pa qenë në gjendje të ihramit. Sa i përket ihramit të Abdullah bin Umarit nga el-Furu' – i cili është më afër Mekës sesa Dhu-l-Hulejfeja – përpara tij ndodhet një pikë tjetër e caktuar, e ajo është el-Xhuhfeja. Banorëve të Medinës u është lejuar që të hyjnë në ihram nga el-Xhuhfeja sepse ajo është një nga mikatet. Na ka arritur nga Pejgamberi (s.a.v.s.) se ai ka thënë: "Kushdo prej jush që dëshiron të vazhdojë të veshë rrobat e tij deri në el-Xhuhfe, le ta bëjë këtë." Na ka informuar për këtë Ebu Jusufi, nga Is'hak bin Rashidi, nga Muhamed bin Aliu, nga Pejgamberi (s.a.v.s.).