Na ka treguar Maliku, na ka treguar Muhamed ibn Abdurrahman ibn Neufel el-Asadiu, nga Urve, nga Zejneb bint Ebi Seleme, nga Umm Seleme, bashkëshortja e Pejgamberit (s.a.v.s.), se ajo ka thënë: "U sëmura, andaj ia përmenda këtë të Dërguarit të Allahut (s.a.v.s.), ndërsa ai tha: 'Bëje tavafin prapa njerëzve duke qenë e hipur (mbi kafshë)'. Ajo tha: 'Andaj bëra tavaf ndërsa i Dërguari i Allahut (s.a.v.s.) po falej pranë Shtëpisë (Qabes) dhe po lexonte: "Pasha Turin, dhe Librin e shkruar në rreshta"'"