Na ka treguar Maliku, na kanë treguar Nafiu dhe Abdullah ibn Dinari, nga Abdullah ibn Umeri, se Omer ibn el-Hatabi u mbajti fjalim njerëzve në Arafat dhe u mësoi atyre rregullat e Haxhit, e ndër të tjera u tha: «Pastaj, kur të vini në Mina, ai që e gjuan xhemrenë që ndodhet te Akabeja, atij i lejohet çdo gjë që i ishte ndaluar, përveç grave dhe parfumit. Askush të mos i prekë gratë e as parfumin derisa të kryejë tavafin rreth Shtëpisë (Qabes).»