Na ka informuar Maliku, na ka treguar Abdylkerim el-Xhezariu, nga Muxhahidi, nga Abdurrahman bin Ebi Lejla, nga Ka'b bin Uxhera, se ai ishte me të Dërguarin e Allahut (s.a.v.s.) si muhrim, dhe atë e mundonin morrat në kokën e tij. Atëherë i Dërguari i Allahut (s.a.v.s.) e urdhëroi që ta rruante kokën e tij dhe tha: "Agjëro tri ditë, ose ushqe gjashtë të varfër duke u dhënë nga dy mudd-ë secilit, ose flijo një dele; cilëndo nga këto që bën, do të jetë e mjaftueshme për ty."