Na informoi Maliku, na informoi Jahja ibn Saidi, na informoi Muhamed ibn Ibrahimi, nga Ebu Seleme ibn Abdurrahmani, se Abdurrahman ibn el-Esued ibn Abd Jeguthi ishte bashkëbiseduesi ynë dhe e kishte mjekrën dhe kokën të bardhë. Një ditë ai erdhi te njerëzit në mëngjes duke i pasur lyer ato me të kuqe, e njerëzit i thanë: "Kjo është më mirë." Ai tha: "Nëna ime Ajsheja, bashkëshortja e Pejgamberit (s.a.v.s.), më dërgoi mbrëmë shërbëtoren e saj Nuhajlen dhe më kërkoi me betim që t'i lyeja ato, duke më njoftuar se Ebu Bekri (r.a.) i lyente ato."