Na njoftoi Maliku, na njoftoi Ibn Shihabi, nga Ismail bin Muhamed bin Thabit el-Ensariu, se Thabit bin Kajs bin Shemas el-Ensariu ka thënë: O i Dërguari i Allahut, vërtet jam frikësuar se jam shkatërruar. Ai tha: "Përse?" Ai u përgjigj: Allahu na ka ndaluar të duam që të lavdërohemi për atë që nuk e kemi bërë, ndërsa unë jam një njeri që e do lavdinë; na ka ndaluar nga mendjemadhësia, ndërsa unë jam një njeri që e do të bukurën; dhe Allahu na ka ndaluar që t’i ngrisim zërat tanë mbi zërin tënd, ndërsa unë jam një burrë me zë të lartë. Atëherë i Dërguari i Allahut (s.a.v.s.) tha: "O Thabit, a nuk je i kënaqur që të jetosh i lavdëruar, të vritesh dëshmor dhe të hysh në Xhenet?"