Na ka njoftuar Maliku, na ka njoftuar Abdullah bin Dinari, i cili ka thënë: Isha me Abdullah bin Omerin në treg, pranë shtëpisë së Halid bin Ukbes, kur erdhi një burrë që dëshironte të bisedonte me të fshehurazi. Me të nuk kishte askënd tjetër përveç meje dhe burrit që dëshironte të bisedonte me të. Atëherë Abdullah bin Omeri thirri një burrë tjetër, derisa u bëmë katër veta. Ai më tha mua dhe burrit që thirri: "Tërhiquni pak mënjanë, sepse vërtet e kam dëgjuar të Dërguarin e Allahut (s.a.v.s.) të thotë: 'Nuk lejohet që dy persona të bisedojnë fshehurazi duke lënë anash një të tretë'."