Na ka njoftuar Maliku, më ka treguar Sumejji, i liruari i Ebu Bekrit, nga Ebu Salih es-Semmani, nga Ebu Hurejreja, se i Dërguari i Allahut (s.a.v.s.) ka thënë: «Udhëtimi është një pjesë e mundimit; ai e privon ndonjërin prej jush nga gjumi, ushqimi dhe pija e tij. Prandaj, kur ndonjëri prej jush ta ketë përmbushur qëllimin e udhëtimit të tij, le të shpejtojë për t'u kthyer te familja e tij.»