18 - Na kanë treguar Is-hak bin Buhluli dhe Muhamed bin el-Muntashiri, të cilët kanë thënë: Na ka treguar el-Velid bin el-Kasimi, na ka treguar Ebu Hajjan et-Tejmiu, nga Ebu Zur'ah, nga Ebu Hurejra, i cili ka thënë: Muadh bin Xhebeli ishte i ulur pas të Dërguarit të Allahut (s.a.v.s.) (mbi kafshë), kur Pejgamberi (s.a.v.s.) tha: "A e di se cili është haku i Allahut ndaj robërve?" Muadhi tha: "Allahu dhe i Dërguari i Tij e dinë më së miri." I Dërguari i Allahut (s.a.v.s.) tha: "Haku i Tij ndaj tyre është që ta adhurojnë Atë dhe të mos i shoqërojnë Atij asgjë." Pastaj Pejgamberi (s.a.v.s.) tha: "A e di se cili është haku i robërve ndaj Allahut nëse ata e adhurojnë Atë dhe nuk i shoqërojnë Atij asgjë?" Muadhi tha: "Allahu dhe i Dërguari i Tij e dinë më së miri." Ai tha: "Haku i tyre ndaj Tij është që t'i fusë në Xhenet." Muadhi tha: "O i Dërguari i Allahut! A të shkoj t'u jap atyre lajmin e mirë?" Pejgamberi (s.a.v.s.) tha: "Jo, lëri ata që të punojnë."