19 - Na kanë treguar El-Hasan ibn Jahja el-Eruzzi dhe Muhamed ibn Jahja el-Katii, të cilët kanë thënë: Na ka treguar El-Haxhaxh ibn el-Minhal: Na ka treguar Salih el-Murri: Na ka treguar El-Hasani, nga Enesi, nga Pejgamberi (s.a.v.s.) i cili ka thënë: Allahu i Madhëruar thotë: "O biri i Ademit, një gjë është për ty, një është për Mua dhe një është mes Meje dhe teje. Sa i përket asaj që është për Mua, është që të Më adhurosh Mua e të mos Më shoqërosh asgjë në adhurim. Sa i përket asaj që është për ty, çfarëdo vepre që të bësh, Unë do të ta shpërblej atë plotësisht. Ndërsa sa i përket asaj që është mes Meje dhe teje, prej teje është lutja, kurse prej Meje është përgjigjja."