173 - Na ka treguar Abdullah bin Shebib, na ka treguar Is-hak bin Muhamed el-Ferwi, na ka treguar Abdullah bin Zejd bin Eslem, nga babai i tij, nga gjyshi i tij, nga Omer bin el-Hatabi, i cili ka thënë: Ka thënë i Dërguari i Allahut (s.a.v.s.): "Islami do të mbizotërojë derisa kuajt të kalojnë detet dhe derisa tregtarët të lundrojnë nëpër det. Më pas, do të shfaqet një popull që do ta lexojë Kuranin e do të thonë: 'Kush lexon më mirë se ne? Kush është më i ditur në fikh se ne?'" Pastaj i Dërguari i Allahut (s.a.v.s.) pyeti: "A ka ndonjë të mirë tek ata?" Ata thanë: "Allahu dhe i Dërguari i Tij e dinë më së miri." Ai tha: "Ata janë lënda djegëse e Zjarrit; ata janë prej jush, nga ky umet."