Na ka treguar Ma'mer bin Sehli, na ka treguar Ibrahim bin Ismail bin Nasri, na ka treguar Ibrahim bin Ismail bin Ebi Habibeh, nga Davud bin el-Husejni, nga Jezid bin Rumani, nga Urve, nga Aisha, se Pejgamberi (s.a.v.s.) dërgoi një burrë si mbledhës të zeqatit, që quhej Ibn el-Lutbijje. Ai e mblodhi zeqatin, pastaj u kthye te Pejgamberi (s.a.v.s.) dhe tha: "O i Dërguari i Allahut! Nuk kam lënë asnjë të drejtë tuajën pa mbledhur, ndërsa këto më janë dhuruar mua, prandaj i pranova dhuratat." Atëherë i Dërguari i Allahut (s.a.v.s.) u ngjit në minber dhe tha: "Unë dërgoj burra për të mbledhur lëmoshën, e pastaj vjen njëri prej tyre e thotë: 'Pasha Allahun, nuk kam bërë asnjë shkelje dhe nuk kam lënë asnjë të drejtë tuajën pa mbledhur, por më janë dhuruar dhurata dhe i kam pranuar.' Përse ai nuk ulej në dhomën e vogël të nënës së tij e të shihte se kush do t'i jepte dhurata? Kini kujdes, që ndonjëri prej jush të mos vijë (në Ditën e Gjykimit) duke mbajtur mbi supet e tij një deve që këlthet, ose një lopë që mbrun, ose një dele që blegërin." Pastaj i ngriti duart e tij aq lart, saqë iu pa bardhësia e sqetullave të tij.