1771 - Na ka treguar Ahmedi, na ka treguar Jakubi, na ka treguar Abdylaziz b. Imrani, na ka treguar Rifa’ah b. Jahja, nga Muadh b. Rifa’ah b. Rafi’, nga babai i tij, i cili ka thënë: Në ditën e Bedrit njerëzit u mblodhën rreth Umeje b. Halafit dhe ne u drejtuam drejt tij. Pashë një pjesë të parzmores së tij që ishte shkëputur poshtë sqetullës, kështu që e godita me shpatë. Po atë ditë, në Bedër, u godita me një shigjetë dhe syri im doli. Atëherë i Dërguari i Allahut (s.a.v.s.) pështyu në të dhe u lut për mua, dhe pas kësaj nuk ndjeva më kurrë dhimbje prej tij.