١٨٢٩ - Na ka treguar Muhamed ibn Abdurrahimi, na ka treguar Affan ibn Muslimi, na ka treguar Abdulvahid ibn Zijadi, nga el-Harith ibn Hasira, nga el-Kasim ibn Abdurrahmani, nga babai i tij, nga Abdullah ibn Mes'udi, i cili ka thënë: Isha me të Dërguarin e Allahut (s.a.v.s.), domethënë në ditën e Hunejnit, kur njerëzit u shpërndanë dhe unë mbeta me të bashkë me tetëdhjetë burra nga Muhaxhirët dhe Ensarët, e që ishin ata mbi të cilët Allahu zbriti qetësinë. I Dërguari i Allahut (s.a.v.s.) ishte mbi mushkën e tij, dhe Pejgamberi (s.a.v.s.) tha: "Më jep një grusht dhe." Ai e hodhi atë në fytyrat e tyre dhe sytë e tyre u mbushën me dhe. Atëherë u afruan Muhaxhirët dhe Ensarët, me shpatat në duart e tyre të djathta sikur të ishin yje që bien, ndërsa idhujtarët ua kthyen shpinën duke ikur.