2206 - Na treguan Jusuf bin Hammad el-Ma’ni dhe Muhamed bin Merzuk, të cilët kanë thënë: Na ka treguar Abdyl-Ala bin Abdyl-Ala, na ka treguar Hisham bin Hassan, nga Muhamed bin Sirin, nga Ebu Ubejde bin Hudhejfe, e ky nga babai i tij, i cili ka thënë: Ajeti i Kelale-s i zbriti Pejgamberit (s.a.v.s.) gjatë një udhëtimi të tij. Pejgamberi (s.a.v.s.) ndaloi, dhe ja, ai ishte pranë Hudhejfes, ndërsa koka e devesë së Hudhejfes ishte pranë vendit të rripit të veshjes (izarit) së Pejgamberit (s.a.v.s.). Ai (Pejgamberi) ia mësoi atë atij. Pastaj Hudhejfeja shikoi dhe pa Omerin (r.a.), kështu që ia mësoi edhe atij. Kur ishte koha e hilafetit të Omerit – mëshira e Allahut qoftë mbi të – Omeri po shqyrtonte çështjen e Kelale-s, andaj e thirri Hudhejfen dhe e pyeti rreth saj. Hudhejfeja tha: "Më vërtet, ma ka mësuar atë i Dërguari i Allahut (s.a.v.s.), ndërsa unë ta mësova ty ashtu siç ma mësoi ai mua. Pasha Allahun, unë jam i vërtetë dhe pasha Allahun, nuk do të të shtoj kurrë asgjë mbi këtë."