2210 - Na ka treguar Ahmed ibn Abdeh, na ka treguar Hammad ibn Zejdi, nga Asimi, nga Ebu Vaili, nga Abdullahu, i cili ka thënë: Një ditë i Dërguari i Allahut (s.a.v.s.) na vizatoi një vijë dhe tha: “Kjo është rruga e Allahut”. Pastaj vizatoi disa vija dhe tha: “Këto janë rrugë të ndryshme, në secilën prej tyre ka nga një djall që fton drejt saj”. Pastaj lexoi këtë ajet: “Dhe vërtet, kjo është rruga Ime e drejtë, andaj ndiqeni atë e mos ndiqni rrugët e tjera, që të mos ju ndajnë nga rruga e Tij” [el-En’am: 153]. Pastaj këtë na e përshkroi Asimi, duke vizatuar në të djathtë dhe në të majtë të tij.