2253 - Na ka treguar Muhamed ibn Abdilmelik el-Kureshij, na ka treguar Ebu Asim el-Abbadanij, na ka treguar El-Fadl ibn Isa er-Rakashij, na ka treguar Muhamed ibn el-Munkadir, nga Xhabiri, i cili ka thënë: Ka thënë i Dërguari i Allahut (s.a.v.s.): "Përderisa banorët e Xhenetit do të jenë në begatitë e tyre, papritmas do t'u shndritë një dritë. Ata do t'i ngrinë kokat e tyre dhe ja, Zoti - i Madhëruar dhe i Lartësuar - u është shfaqur atyre nga lart dhe ka thënë: 'Paqja qoftë mbi ju, o banorë të Xhenetit'. Kjo është fjala e Allahut: 'Paqe! Një fjalë prej një Zoti Mëshirues' [Jasin: 58]." Tha: "Atëherë Ai i shikon ata dhe ata e shikojnë Atë; ata nuk do të kthehen nga asnjë prej begative përderisa shikojnë Atë, dhe drita e Tij do të mbetet në vendbanimet e tyre."