٢٢٩١ - Na ka treguar Ahmed ibn Abdeh, na ka njoftuar Hafs ibn Xhumaj’, na ka treguar Simaku, nga Ikrimja, nga Ibn Abbasi, i cili ka thënë: I Dërguari i Allahut (s.a.v.s.) dërgoi një kalorësi, e cila qëndroi larg për një muaj pa u marrë vesh asnjë lajm prej tyre. Atëherë u shpall: {Pasha ata që vrapojnë duke rrapëllirë} [Al-Adijat: 1] – bënin zhurmë me këmbët e tyre; {dhe pasha ata që nxjerrin shkëndija duke goditur} [Al-Adijat: 2] – goditën gurët me thundrat e tyre, duke ndezur kështu zjarr; {dhe pasha ata që sulmojnë në agim} [Al-Adijat: 3] – ata e sulmuan popullin në kohën e mëngjesit; {e me atë rast ngrenë pluhurin} [Al-Adijat: 4] – ngritën pluhurin me thundrat e tyre; {dhe me atë hyjnë në mes të grumbullit} [Al-Adijat: 5] – ai tha: e sulmuan popullin e mbledhur në mëngjes.