2302 - Na ka treguar Amr ibn Aliu, na ka treguar Abu Ahmedi, na ka treguar Beshir ibn el-Muhaxhiri, nga Abdullah ibn Burejde, nga babai i tij, i cili ka thënë: Ka thënë i Dërguari i Allahut (s.a.v.s.): "Mësoni suren el-Bekare dhe suren Ali Imran, sepse ato të dyja do të vijnë në Ditën e Kiametit sikur të ishin dy re, ose dy hije (mbulesa), ose dy tufa zogjsh të rreshtuar, që mbrojnë shoqëruesin e tyre. Mësoni suren el-Bekare, sepse marrja e saj është bereqet, ndërsa lënia e saj është keqardhje, dhe atë nuk mund ta përballojnë dot magjistarët." Ky është formulimi i Beshirit ose diçka e ngjashme me të.