٢٣٨٥ - Na tregoi el-Hasen bin Arafeh, na tregoi Abbad bin el-Avvam, na tregoi el-Haxhxhaxh bin Ertah, nga Salim el-Mekkij, nga Muhamed ibn el-Hanefijeh, nga Aliu, se ai u pyet për përshkrimin e të Dërguarit të Allahut (s.a.v.s.), e ai tha: "Ai nuk ishte as i shkurtër e as i gjatë; kishte flokë të bukur e të onduluar; fytyra e tij ishte e bardhë e ndërthurur me të kuqërremtë; kishte nyje të mëdha të gjymtyrëve; kishte vijë të gjatë qimesh (nga gjoksi deri te kërthiza). Nuk kam parë para tij as pas tij dikë si ai. Kur ecte, lëvizte me fuqi dhe anonin përpara, sikur të ishte duke zbritur nga një tatpjetë."