2413 - Na treguan Is’hak ibn Ibrahim ibn Habib dhe Muhamed ibn Ma’mer, të cilët thanë: Na tregoi Kurejsh ibn Enesi, nga Salih ibn Ebil-Ahdari, nga ez-Zuhriu, nga Suvejd ibn Jezidi, i cili ka thënë: E pashë Ebu Dherrin tek rrinte ulur i vetëm në xhami, kështu që e shfrytëzova këtë mundësi dhe u ula pranë tij. I përmenda atij Osmanin, dhe ai tha: "Nuk do të them kurrë për Osmanin asgjë tjetër veçse mirë, për shkak të diçkaje që pashë tek i Dërguari i Allahut (s.a.v.s.). Unë i kërkoja momentet e veçimit të të Dërguarit të Allahut (s.a.v.s.) dhe mësoja prej tij. Një ditë shkova dhe pashë që ai kishte dalë, kështu që e ndoqa. Ai u ul në një vend dhe unë u ula pranë tij. Ai tha: 'O Ebu Dherr! Çfarë të solli?' Tha: Thashë: 'Allahu dhe i Dërguari i Tij.' Tha: Pastaj erdhi Ebu Bekri, dha selam dhe u ul në të djathtë të Pejgamberit (s.a.v.s.). Ai i tha: 'O Ebu Bekër, çfarë të solli?' Tha: 'Allahu dhe i Dërguari i Tij.' Tha: Pastaj erdhi Omeri dhe u ul në të djathtë të Ebu Bekrit, e ai tha: 'O Omer! Çfarë të solli?' Tha: 'Allahu dhe i Dërguari i Tij.' Pastaj erdhi Osmani dhe u ul në të djathtë të Omerit, e ai tha: 'O Osman! Çfarë të solli...'"