Na ka treguar Mahmud ibn Bekri, më ka treguar babai im, nga Isa ibn el-Muhtari, nga Ibn Ebi Lejla, nga Ebu ez-Zubejri, nga Xhabiri: Se një burrë nga ensarët erdhi te i Dërguari i Allahut (s.a.v.s.) dhe i tregoi atij për vështirësitë e tij ekonomike. I Dërguari i Allahut (s.a.v.s.) urdhëroi që t'i jepej gjysmë uesku elbi. Ata hëngrën prej tij për një kohë, pastaj një ditë ai e mori dhe e mati për të parë se sa kishte mbetur, dhe nuk vonoi shumë e u mbarua. Ai erdhi te Pejgamberi (s.a.v.s.) dhe ia tregoi këtë, e ai (s.a.v.s.) tha: "Ti e mate atë. Sikur të mos e kishe matur, do të mbetej kështu e kështu," ose tha: "për tërë jetën tuaj."