2460 - Na tregoi Muhamed bin Ma'meri, na tregoi Muhamed bin Ubejdi, na tregoi Hashim bin el-Beridi, nga Husejn bin Mejmuni, nga Abdullahu bin Abdullahu, kadiu i Rejit, nga Abdurrahman bin Ebi Lejla, i cili ka thënë: E kam dëgjuar Prijësin e Besimtarëve, Aliun (r.a.), duke thënë: "U mblodhëm unë, Fatima, Abbasi dhe Zejd bin Harithja. Abbasi tha: 'O i Dërguari i Allahut! Jam moshuar, kockat më janë dobësuar dhe shpenzimet e mia janë shtuar. Nëse e sheh të udhës, o i Dërguari i Allahut, që të urdhërosh për mua kaq e aq uesk (ngarkesa) ushqimi, atëherë bëje këtë.' I Dërguari i Allahut (s.a.v.s.) tha: 'Do ta bëj.' Atëherë Zejd bin Harithja tha: 'O i Dërguari i Allahut, ti më ke pasë dhënë një tokë prej së cilës siguroja jetesën, pastaj e more mbrapsht atë. Nëse e sheh të udhës që ta kthesh, (atëherë bëje).' I Dërguari i Allahut (s.a.v.s.) tha: 'Do ta bëjmë këtë.' Atëherë unë thashë: 'O i Dërguari i Allahut! Nëse e sheh të udhës që të më ngarkosh mua me këtë të drejtë që Allahu ta ka caktuar në Librin e Tij nga kjo e pesta (humsi), që ta shpërndaj atë në vendin tënd, në mënyrë që të mos më kundërshtojë askush pas teje, atëherë bëje këtë.' I Dërguari i Allahut (s.a.v.s.) tha: 'Do ta bëjmë këtë.' Kështu, i Dërguari i Allahut (s.a.v.s.) më ngarkoi me këtë përgjegjësi dhe unë e shpërndava atë gjatë jetës së tij; pastaj më ngarkoi me të edhe Ebu Bekri (r.a.) dhe unë e shpërndava atë."