2476 - Na treguan Seleme bin Shebibi dhe Ahmed bin Mensuri, të cilët thanë: Na tregoi Ibrahim bin el-Hakem bin Aban, më tregoi babai im, nga Ikrime, nga Ebu Hurejre: Se një beduin erdhi te i Dërguari i Allahut (s.a.v.s.) për t'i kërkuar ndihmë për diçka – Ikrime ka thënë: Mendoj se bëhej fjalë për gjakmarrje (shpagim) – dhe i Dërguari i Allahut (s.a.v.s.) i dha diçka e pastaj e pyeti: "A u solla mirë me ty?" Beduini u përgjigj: "Jo, dhe as nuk u tregove bujar." Disa prej muslimanëve u zemëruan dhe deshën të ngriheshin kundër tij, por Pejgamberi (s.a.v.s.) u dha shenjë: "Përmbahuni." Kur Pejgamberi (s.a.v.s.) u ngrit dhe shkoi në shtëpinë e tij, e thirri beduinin brenda dhe i tha: "Ti erdhe te ne, na kërkove dhe ne të dhamë, e pastaj the atë që the." Pastaj i Dërguari i Allahut (s.a.v.s.) i dha edhe më shumë dhe e pyeti: "A u solla mirë me ty?" Beduini tha: "Po, Allahu të shpërbleftë me të mira për familjen dhe farefisin tënd." Atëherë Pejgamberi (s.a.v.s.) tha: "Ti erdhe te ne, na kërkove dhe ne të dhamë, e pastaj the atë që the, dhe në zemrat e shokëve të mi ka mbetur diçka kundër teje për këtë arsye. Prandaj, kur të vish, thuaj para tyre atë që the para meje, në mënyrë që t'u largohet ajo që kanë në gjokset e tyre." Ai tha: "Po." (Transmetuesi) tha: Më tregoi el-Hakemi se Ikrime ka thënë: Ebu Hurejre ka thënë: Kur erdhi beduini, ai tha...