2503 - Na ka treguar Abbadi, më ka treguar xhaxhai im, nga babai i tij, nga Xhabir el-Xhu'fiu, nga Abdurrahman bin Sabiti, nga Xhabir bin Abdullahu, i cili ka thënë: Ishim duke ndenjur me të Dërguarin e Allahut (s.a.v.s.), kur u afrua Omer bin el-Hatabi (r.a.), i cili kishte veshur një këmishë të bardhë. I Dërguari i Allahut (s.a.v.s.) i tha: "O Omer, a është kjo këmisha jote e re apo e larë?" Ai u përgjigj: "E larë." Ai (s.a.v.s.) tha: "Vish të reja, jeto i lavdëruar dhe vdis dëshmor; dhe Allahu të dhëntë kënaqësi të syrit në këtë botë dhe në Ahiret."