2514 - Na ka treguar Muhamed ibn Abdurrahim Saika, na ka treguar Shebabe ibn Seuuar, na ka treguar Harixhe ibn Mus'ab, nga Abdullah ibn Ubejd el-Himjeri, nga babai i tij, i cili ka thënë: Isha te Osmani (r.a.) kur ai ishte i rrethuar, dhe ai tha: "A është këtu Talha?" Talha (r.a.) u përgjigj: "Po." Atëherë ai tha: "Të përbetoj në Allahun, a nuk e di se ne ishim me të Dërguarin e Allahut (s.a.v.s.) kur ai tha: 'Le të marrë çdo njeri prej jush dorën e bashkëulurësit të tij', kështu që unë mora dorën e filanit, e filani mori dorën e filanit, derisa çdo njeri mori dorën e shokut të tij, ndërsa i Dërguari i Allahut (s.a.v.s.) mori dorën time dhe tha: 'Ky është bashkëulurësi im në këtë botë dhe mbrojtësi im në botën tjetër'?" Ai (Talha) tha: "O Allah, po."