2541 - Na ka treguar Ibrahim bin Hani, na ka treguar Ali bin Hakim, na ka treguar Sheriku, nga Ebu Is’haku, nga Sa’id bin Vehbi dhe nga Zejd bin Juthej’, të cilët kanë thënë: Aliu u kërkoi njerëzve në Er-Rahbe (duke i betuar) e u tha: "Kush e ka dëgjuar të Dërguarin e Allahut (s.a.v.s.) në ditën e Gadir Humit?" Atëherë u ngritën gjashtëmbëdhjetë burra dhe dëshmuan se e kishin dëgjuar të Dërguarin e Allahut (s.a.v.s.) të thoshte në ditën e Gadir Humit: "A nuk jam unë më i autorizuar për besimtarët?" Ata thanë: "Po." Ai tha: "Dhe a nuk jam unë më i autorizuar për ju sesa vetë vetet tuaja?" Ata thanë: "Po." Ai tha: "O Allah, atij që unë i jam mela (prijës), edhe Aliu i është mela. O Allah, miqësoje atë që e miqëson atë dhe armiqësoje atë që e armiqëson atë."