2568 - Na ka treguar Muhammed bin Abdurrahim, na ka treguar el-Hasan bin Musa, na ka treguar Muhammed bin Rashid, nga Abdullah bin Muhammed bin Akil, nga Fadale bin Ebi Fadale el-Ensari, i cili ka thënë: Dola me babain tim për të vizituar Aliun kur ai ishte i sëmurë. Babai im i tha atij: "Çfarë të mban në këtë vend? Nëse do të vdisje këtu, nuk do të kujdesej për ty askush përveç beduinëve të Xhuhejnes. Sikur të hyje në Medine, do të ishe mes shokëve të tu; kështu, nëse të ndodh ajo që i frikësohesh – ose që ne i frikësohemi për ty – shokët e tu do të kujdeseshin për ty." Ebu Fadale ishte nga njerëzit e Bedrit. Aliu i tha: "Unë nuk do të vdes nga kjo sëmundje imja, apo nga kjo dhimbje imja. Vërtet, Pejgamberi (s.a.v.s.) më ka premtuar se unë nuk do të vdes derisa – mendoj se ka thënë: – të goditem dhe të ngjyhet kjo nga kjo – d.m.th. koka e tij [nga gjaku i plagës]." Ebu Fadale u vra bashkë me të në Siffin.