2610 - Na treguan Jusuf ibn Musa dhe Muhamed ibn el-Lejth el-Hedadi, të cilët kanë thënë: Na ka treguar Ebu Nuajmi, na ka treguar Fitri, nga Kethiri, shitësi i bërthamave të hurmave, i cili ka thënë: E kam dëgjuar Abdullah ibn Mulejlin duke thënë: E kam dëgjuar Aliun duke thënë: Ka thënë i Dërguari i Allahut (s.a.v.s.): "Vërtet, nuk ka pasur asnjë pejgamber që të mos i jenë dhënë shtatë shokë fisnikë dhe ndihmës, ndërsa mua më janë dhënë katërmbëdhjetë: Hamzai, Xhaferi, Aliu, Hasani, Hysejni, Ebu Bekri, Omeri, Abdullah ibn Mes'udi, Ebu Dherri, Mikdadi, Hudhejfeja, Ammari, Selmani dhe Bilalli."
Thashë: Ka thënë shejh Xhemaludin el-Mizzi: Atë e ka transmetuar Tirmidhiu në disa transmetime, kurse Ebu el-Kasimi nuk e ka përmendur.
Thashë: Nuk e kam gjetur në kopjen time.