2686 - Na ka treguar Ahmed bin Jahja, na ka treguar Ubejdullah bin Musa, na ka treguar Seid bin Evs, nga Bilal bin Jahja, i cili ka thënë: Kur u vra Uthmani (r.a.), erdhën te Hudhejfeja dhe i thanë: "O Ebu Abdull-llah! Ky njeri u vra dhe njerëzit kanë rënë në kundërshtime, andaj çfarë thua ti?" Ai tha: "Më mbështetni." Atëherë e mbështetën në gjoksin e një burri, e ai tha: "Kam dëgjuar të Dërguarin e Allahut (s.a.v.s.) duke thënë: 'Ebu el-Jekdhani është në fitre (natyrshmërinë e pastër); ai nuk do ta braktisë atë derisa të vdesë ose derisa ta kaplojë pleqëria e thellë.'"