٢٧٠٢ - Na ka treguar Muhamed bin el-Muthenna, na ka treguar Salim bin Nuh, na ka treguar Omer bin Amir, nga Katadeja, nga Enesi, se Ukejdir ed-Devme i dërgoi të Dërguarit të Allahut (s.a.v.s.) një xhybe prej mëndafshi të hollë. I Dërguari i Allahut (s.a.v.s.) e veshi atë dhe njerëzit u mrekulluan prej saj, prandaj ai tha: "A mrekulloheni me këtë? Pasha Atë, në dorën e të Cilit është shpirti im, shamitë e Sad bin Muadhit në Xhenet janë më të mira se kjo." Pastaj ia dhuroi atë Omerit, i cili tha: "O i Dërguari i Allahut! Ti nuk e pëlqen atë (për vete) dhe unë ta vesh?" Ai tha: "O Omer! Ta dërgova atë vetëm që ta dërgosh diku tjetër dhe të fitosh pasuri përmes saj." Kjo ndodhi para se të ndalohej mëndafshi.