2709 - Na ka treguar Abdullah bin Shebibi, na ka treguar Abdylaziz bin Ubejdullah el-Evsi, na ka treguar Muhamed bin Xhafer bin Ebi Kethir, na ka treguar Umare bin Gazije, nga Asim bin Omer bin Katade, nga i ati i tij, nga gjyshi i tij, i cili ka thënë: Ishte një natë me shi dhe të ftohtë. Kur i Dërguari i Allahut (s.a.v.s.) përfundoi [namazin], më pa mua e më tha: "Çfarë ke, o Katade, këtu në këtë orë?" Thashë: "Përfitova nga rasti të falja namazin e jacisë bashkë me ju, o i Dërguari i Allahut." Ai tha: "O Katade! Vërtet, shejtani të ka paraprirë te familja jote. Prandaj, merre këtë degë hurme, e kur të hysh në shtëpi, do ta gjesh shejtanin në këndin e saj të majtë; godite atë me degë derisa të dalë." E mora degën dhe ajo më bëri dritë si të ishte një gjethe hurme. Shkova në shtëpi, pashë në kënd dhe e gjeta atje; nuk rreshta së godituri me degë derisa ai doli.