2802 - Na ka treguar Jakub bin Ibrahim ed-Devraki, na ka treguar Abdylvehab bin Ata, na ka treguar Seidi, nga Katadeja, nga Enesi, i cili ka thënë: Dy fiset, El-Evs dhe El-Hazrexh, u mburrën me njëri-tjetrin. Fisi Evs tha: "Nga ne janë katër veta, të ngjashmit e të cilëve nuk gjenden mes jush: nga ne është ai që u mbrojt nga grerëzat, Asim bin Thabit bin Ebi el-Aklah; nga ne është ai, dëshmia e të cilit u pranua sa dëshmia e dy burrave, Huzejme bin Thabit; nga ne është ai që u la prej engjëjve, Handhale bin el-Rahib; dhe nga ne është ai për të cilin u drodh Arshi, Sa'd bin Muadhi." Atëherë Hazrexhijtë thanë: "Nga ne janë katër që e tubuan Kuranin, dhe askush tjetër veç tyre nuk mori pjesë me ta: Muadh bin Xhebeli, Ubej bin Ka'bi, Zejd bin Thabiti dhe Ebu Zejdi." Transmetuesi tha: Iu tha Enesit: "Kush është Ebu Zejdi?" Ai u përgjigj: "Njëri nga xhaxhallarët e mi." Unë (autori) thashë: Nuk e kam parë (këtë transmetim) në plotësinë e tij.