Na kanë treguar Sufjan ibn Vekiu dhe Muhamed ibn Beshari, me kuptim të njëjtë, të cilët thanë: Na ka lajmëruar Jezid ibn Haruni, nga Seid el-Xhureriu, i cili ka thënë: E kam dëgjuar Ebu Tufejlin të thotë: E kam parë Pejgamberin (paqja dhe bekimi i Allahut qofshin mbi të) dhe nuk ka mbetur askush në faqen e dheut që e ka parë atë përveç meje. I thashë: Ma përshkruaj atë! Ai tha: Ishte i bardhë, i pashëm dhe mesatar.