Na ka treguar Suvejd bin Nasri, i cili ka thënë: Na ka treguar Abdullah bin el-Mubaraku, nga Seid bin Ijas el-Xhurejriu, nga Ebu Nadra, e ky nga Ebu Seid el-Hudriu, i cili ka thënë: Kur i Dërguari i Allahut (paqja dhe bekimet e Allahut qofshin mbi të) veshte ndonjë rrobë të re, e emërtonte atë me emrin e saj, qoftë çallmë, këmishë apo pelerinë, e më pas thoshte: O Allah, Ty të takon falënderimi ashtu siç më ke veshur me të. Të kërkoj mirësinë e saj dhe mirësinë e asaj për të cilën është prodhuar, si dhe kërkoj mbrojtje tek Ti nga sherri i saj dhe sherri i asaj për të cilën është prodhuar.

Na ka treguar Hisham bin Junus el-Kufiu, i cili ka thënë: Na ka treguar El-Kasim bin Malik el-Muzeniju, nga El-Xhurejriu, nga Ebu Nadra, e ky nga Ebu Seid el-Hudriu, i cili transmeton nga Pejgamberi (paqja dhe bekimet e Allahut qofshin mbi të) një hadith të ngjashëm.