Na ka treguar Kutejbe b. Saidi, i cili ka thënë: Na ka treguar Jahja b. Zekerija b. Ebi Zaide, nga el-Hasan b. Ajjashi, nga Ebu Is’haku, nga esh-Sha’bi, se Mugire b. Shube ka thënë: Dihja i dhuroi Pejgamberit (paqja dhe bekimet e Allahut qofshin mbi të) një palë meste, të cilat ai i veshi. Israiili përcjell nga Xhabiri, nga Amiri, se ai i dhuroi edhe një xhybe, dhe ai i veshi ato derisa u vjetruan e u grisën, pa e ditur Pejgamberi (paqja dhe bekimet e Allahut qofshin mbi të) nëse ato ishin prej lëkurës së kafshës së therrur sipas rregullit fetar apo jo.

Ebu Isa ka thënë: Ky Ebu Is’haku është Ebu Is’hak esh-Shejbaniu, emri i të cilit është Sulejman.