Na ka treguar Ahmed bin Menia, i cili ka thënë: Na ka treguar Abbad bin Abbad el-Muhel-lebiu, nga Muxhalidi, nga esh-Sha’biu, nga Masruku, i cili ka thënë: Hyra te Aishja, e ajo kërkoi të më sillnin ushqim dhe tha: “Sa herë që ngopem me ushqim dhe dëshiroj të qaj, unë vërtet qaj.” Ai tha: I thashë: “Përse?” Ajo u përgjigj: “Kujtoj gjendjen në të cilën i Dërguari i Allahut (paqja dhe bekimet e Allahut qofshin mbi të) u nda nga kjo botë. Për Allahun, ai nuk u ngop asnjëherë me bukë dhe mish dy herë brenda një dite.”