Na ka treguar Hennadi, na ka treguar Vekiu, nga Sufjani, nga Ejubi, nga Ebu Kilabe, nga Zehdem el-Xhermiu, i cili ka thënë: Ishim te Ebu Musa el-Esh’ariu kur atij i sollën mish pule. Një burrë nga njerëzit e pranishëm u mënjanua, andaj ai e pyeti: Çfarë ke? Ai u përgjigj: Vërtet, e kam parë atë duke ngrënë diçka të papastër, prandaj u betova se nuk do ta ha atë. Ai i tha: Afrohu, sepse unë e kam parë të Dërguarin e Allahut (paqja dhe bekimet e Allahut qofshin mbi të) duke ngrënë mish pule.