Na ka treguar Muhamed bin Beshari, i cili ka thënë: Na ka treguar Muslim bin Ibrahimi, i cili ka thënë: Na ka treguar Aban bin Jezidi, nga Katadeja, nga Shehr bin Haushabi, nga Ebu Ubejdeja, i cili ka thënë: I gatova Pejgamberit (paqja dhe bekimet e Allahut qofshin mbi të) një gjellë në kazan. Atij i pëlqente shumë shpatulla, prandaj i dhashë shpatullën. Pastaj ai tha: "Më jep shpatullën", dhe unë ia dhashë. Sërish tha: "Më jep shpatullën", ndërsa unë i thashë: "O i Dërguari i Allahut, sa shpatulla ka delja?" Ai tha: "Pasha Atë, në Dorën e të Cilit është shpirti im, sikur të heshtje, do të më jepje shpatulla sa herë që të kërkoja!"