Na ka treguar Ahmed bin Maniu, i cili ka thënë: Na ka treguar Ismail bin Ibrahimi, i cili ka thënë: Na ka treguar Ali bin Zejdi, nga Omer bin Ebi Harmela, e ky nga Ibn Abbasi, i cili ka thënë: Hyra bashkë me të Dërguarin e Allahut (paqja dhe bekimet e Allahut qofshin mbi të), unë dhe Halid ibn el-Velidi, te Mejmuneja. Ajo na solli një enë me qumësht dhe i Dërguari i Allahut (paqja dhe bekimet e Allahut qofshin mbi të) piu prej tij. Unë isha në të djathtë të tij, ndërsa Halidi në të majtë të tij. Ai më tha: "Pija të takon ty, por nëse dëshiron, mund t’ia lësh Halidit." Unë i thashë: "Nuk do t’ia jepja askujt tjetër përparësinë ndaj mbetjes së pijes sate." Pastaj i Dërguari i Allahut (paqja dhe bekimet e Allahut qofshin mbi të) tha: "Atij që Allahu i jep për të ngrënë ndonjë ushqim, le të thotë: ‘O Allah, na beko në të dhe na ushqe me diçka edhe më të mirë se kjo!’ Ndërsa atij që Allahu (i Madhëruar dhe i Lartësuar) i jep qumësht për të pirë, le të thotë: ‘O Allah, na beko në të dhe na shto prej tij!’" Pastaj i Dërguari i Allahut (paqja dhe bekimet e Allahut qofshin mbi të) tha: "Nuk ka asgjë që mund të zëvendësojë njëkohësisht ushqimin dhe pijen, përveç qumështit."