Transmeton Ebu Ejub el-Ensariu: Pejgamberi (s.a.v.s.) i falte rregullisht katër rekate kur dielli kalonte meridianin (zeval). Unë i thashë: "O i Dërguari i Allahut, ti po i fal vazhdimisht këto katër rekate kur dielli kalon meridianin?" Ai tha: "Vërtet, dyert e qiellit hapen kur dielli kalon meridianin dhe nuk mbyllen derisa të falet namazi i drekës, prandaj dëshiroj që në atë kohë të ngjitet për mua ndonjë vepër e mirë." Unë e pyeta: "A lexohet në secilin rekat?" Ai u përgjigj: "Po." E pyeta: "A ka selam ndarës mes tyre?" Ai u përgjigj: "Jo."