Transmeton Amr ibn Shuajbi, nga babai i tij, e ai nga gjyshi i tij: Një burrë erdhi te Pejgamberi (s.a.v.s.) dhe e pyeti: "O i Dërguar i Allahut, si bëhet abdesti?" Ai kërkoi ujë në një enë dhe i lau duart e tij tri herë, pastaj lau fytyrën tri herë, pastaj lau parakrahët tri herë. Pastaj fshiu kokën dhe futi dy gishtat tregues në vrimat e veshëve; fshiu pjesën e jashtme të veshëve me gishtat e mëdhenj dhe pjesën e brendshme me gishtat tregues. Pastaj i lau këmbët tri herë. Më pas tha: "Kështu merret abdesti. Kushdo që shton apo pakëson diçka nga kjo, ai ka vepruar keq dhe ka bërë padrejtësi," ose tha: "ka bërë padrejtësi dhe ka vepruar keq."