Transmeton Aishja: Ummu Habibe bint Xhahshi, kunata e të Dërguarit të Allahut (s.a.v.s.) dhe bashkëshortja e Abdurrahman b. Aufit, pati rrjedhje gjaku për shtatë vite. Ajo e pyeti të Dërguarin e Allahut (s.a.v.s.) për këtë, dhe i Dërguari i Allahut (s.a.v.s.) i tha: "Kjo nuk është menstruacion, por është vetëm një damar; prandaj lahu dhe fale namazin." Aishja tregon se ajo lahej në një legen në dhomën e motrës së saj, Zejnebe bint Xhahsh, saqë kuqlimi i gjakut mbulonte ujin.