1122 - Transmetohet nga el-Abasi, i cili ka thënë: Ata hynin te Pejgamberi (s.a.v.s.) pa e përdorur misvakun, andaj ai tha: "Ju hyni tek unë me dhëmbë të verdhë (të papastruar) dhe nuk përdorni misvakun. Sikur të mos e rëndoja umetin tim, do ta bëja misvakun obligim (farz) për ta, ashtu siç e bëra obligim abdestin." Dhe ka thënë Aishja: "Pejgamberi (s.a.v.s.) vazhdimisht e përmendte misvakun, derisa u frikësuam se do të shpallej për të ndonjë pjesë e Kuranit." E ka transmetuar Ebu Ja’la, el-Bezzari dhe et-Taberaniu në "el-Kebir", dhe në zinxhirin e tij është Ebu Ali es-Sejkal, i cili është i panjohur (mexhhul).